Poslovne vijesti - Makedonija

Ќе се градат ветерници во околината на Штип

Корејците дефинитивно вложуваат во штипскиот ветер. 140 милиони евра ќе тежи нивната инвестиција. Во вторник и официјално се формира конзорциум, во кој влегуваат најголемиот концерн за производство на електрична енергија во Јужна Кореја КОСЕП, компанијата „Samsung heavy industries“ и Шпанците од „Инвал Македонија“.

„Предвидено е изградбата да започне во август наредната година, а првите турбини ќе бидат инсталирани 2012. година.

-Предвидени се 40 локации со турбини со моќност од 2,5 мегавати секоја“, вели Таијон Чо, главен менаџер за маркетинг и продажба во „Samsung heavy industries“.

Според проектот за почеток во околината на Штип ќе се градат четири паркови со ветерници. Според договорот, „Самсунг“ ќе ја инсталира опремата, а откако ќе започне производството на струја ќе стопанисуваат од КОСЕП.

Додека, Шпанците преку нивната фирма ќерка веќе три и пол години работат во Македонија на средување на документацијата за старт на изградбата.